:: Tok guru mahu jadi WIRA

Bismillahirrahmanirrahim

.

Assalamualaikum dan salam sejahtera

.

Izin kan saya mengunkai tajuk ini dalam dialek bahasa Kelantan khas untuk Tok Guru kita

.

Tok Guru,ambo meme hormat ko tok guru tapi ambo sedih sangat-sangat bilo ado ore kecek bendo hudoh ko tok guru. Ilmu tok guru bilo ngajar, meme kemah, contoh tok guru bui sebenarnyo nok suruh sapa maksud dio jah, tapi kalu ore luar dengar dio pusing kok lain. Tok guru meme susoh kalu ado jah gapo-gapo istilah hok tok guru paka ore luar sokmo ake pehe kok lain. Bahaso kelate meme payoh nok pehe kalu ore dok beso guna gak.

.

Tapi so karo jah kawe sedih lagi ngo tok guru ambo nih. Bakpo gak tok guru suko naik stage. Suko sangat nok belawe. Ambo raso lah tak yoh lah jadi hero niste nyo. Bia ko sek-sek dio sudoh lah. Ari tu maso tok guru maroh ko tok wakil bachok kejut jugok ambo. Bendo molek tok guru. Nok saing ngan UMNO, nok try bince hal-hal hok molek-molek. Nok satu ore melayu Islam. Tok guru jange mudoh naik angin gak. Serupo tok guru pese sokmo maso ngajar, tok leh buat keputuse tengoh maroh, kena sabar, mintok petunjuk, semaye Istikhoroh.

.

So lagih, kalu tok guru belawe debat pun, buleh gapo ko kito, buleh gapo ko ambo, buleh gapo ko anok-anok ambo, buleh gapo ko negeri kito, dok tengok boh UMNO hoyak dio molek, Tok guru kato tok guru molek, pah tuh sapo mene, pakat akat palo, hok kaloh malu nok akat muko. Sek-sek nih panda belit tok guru. Tok guru pun ado banyok jugok buoh kilah. Ambo kenal bena lah tok guru ambo nih. Sedak mena buoh kilah dio.

.

Sekali lagih lah tok guru ambo mitok sangat-sangat, bo lah dendamnyo, bo lah duk kato ko orenyo, kito baik mula. Kalu nok ngajar pun, bo lah duk bui contoh ko puok UMNO. Dio pun ore Islam. Cuma tok guru kato jahil jah. Kito pakat betul. Ejah ah tok guru, kito pakat baik mula. Tengok sek-sek cino, dio senyak jah. Cuma nok tunggu kelih perati hok mano bene. Pah tu dio pijok palo. Baso perangai dio doh suko jatuh ore melayu. Tengok tokey cino berapo ramai hok bantu ore melayu kito.

.

Bo lah ore melayu dok balohnyo. Takdok Hasil. Pelabur luar pun tengok tawar doh ko kito. FDI negaro kito ko ho lamo ko ho kure. Lagu mano nok idup lagu ni gak. De sapa ko dok wawasan 2020 kito. Pakat dok baloh melayu lawan melayu gak tok guru. Ari ni ko ho ramai hok nok lawe tok guru ajoh debat. Hebat te demo, cabar tok guru. Agok-agok bene ko. Try lah try. Buke gapo kawe takut ko ho lamo ko ho borak. Bui so nok so lagi. Ore tuo ni de dio naik angin gak hok dok bangun duo minggu jadi buleh jale. Keno pulok caro pasal politik. Ore melayu kelate gituh lah. Baso angin dok berapo molek.

.

"Debat ngan Musyawarah; Tok guru pilih debat sebab nok jadi WIRA"

:: Ambo dok berehi berdebat